សាលាបច្ចេកទេស ដុនបូស្កូ ដឹកនាំសិស្សធ្វើទស្សនៈកិច្ចសិក្សា

ខេត្តកែប៖ នៅថ្ងៃទី១២/១៣ ខែសីហាឆ្នាំ២០១៥ ក្រុមសិស្សនិស្សិតផ្នែកទំនាក់ទំនងសង្គម និង សារព័ត៌មាន នៃសាលាបច្ចេកទេស ដុនបូស្កូ ខេត្តកែប និងក្រុងព្រះសីហនុ បានចុះធ្វើទស្សនកិច្ចសិក្សានៅរាជធានីភ្នំពេញចំនួនពីរថ្ងៃ។ ដែលក្នុងនោះមានទីតាំងចំនួនបីកន្លែងដូចជា: ទីស្នាក់ការ កាសែត Cambodia Daily, ក្រុមហ៊ុន Cambodian International Network (CINet) និង ស្ថានីយ៌ទូរទស្សន៌អប្សរា។

 ដែលដឹកនាំដោយលោកគ្រូអ្នកគ្រូប្រធានផ្នែកនៃសាលាបច្ចេកទេសទាំងពីរ។  ដើម្បីសិក្សាស្វែងយល់បន្ថែមលើជំនាញផ្នែកសារព័ត៌មាន ភាពជាអ្នកកាសែត  ការយកព័ត៌មាន ការសរសេរអត្ថបទព័ត៌មាន វិជ្ជាជីវះក្រមសិលធម៌ របស់អ្នកកាសែត ការរៀបចំកម្មវិធីទូរទស្សន៌ របៀបធ្វើជាពិធីករ ព័ត៌មាន នៅក្នុងទូរទស្សន៌ និង វិទ្យុ ការផ្សព្វផ្សាយព័ត៌មាន ការធ្វើការជាក្រុម នេះដឹងនឹងបទពិសោធន៏ថ្មីៗដែលទាក់ទងទៅនឹងជំនាញ សារព័ត៌មាន។   

 លោក សេក ឧត្តម ជាអ្នកយកព័ត៌មាននៅ ស្ថាប័នកាសែត  The Cambodia Daily  បាន​ឲ្យ​ដឹង​ថា ៖ នេះជាឱកាសដ៏ល្អសម្រាប់និស្សតផ្នែកទំនាក់ទំនងសង្គមនិងសារព័ត៌មានទាំាងអស់ដើម្បីបានយស់ដឹងពី វិធីសាស្រ្តយកព័ត៌មាន និងសរសេរអត្ថបទព័ត៌មាន ដើម្បីចៀសវាងការសរសេរ និងផ្សាយព័ត៌មានមិនពិត និងខុសក្រមសីលធម៌នៃអ្នកកាសែត។ ហើយពួកគេទាំងអស់អាចយកជំនាញនេះ សម្រាប់បន្ដ និងពង្រីកវិស័យ ព័ត៌មាននាពេលអនាគតផងដែរ។ 

លោក លេង ឈុន ជាអ្នកកាត់តវីដេអូ និងGraphic Design នៅ APSARA TV បាន​ឲ្យ​ដឹង​ថា ៖ ខ្ញុំមានសេចក្ដីរីករាយណាស់ដែលនិស្សិត បានមកធ្វើទស្សនៈកិច្ចសិក្សានូវស្ថានីវិទ្យុ និង ទូរទស្សន៌យើងខ្ញុំ ។ ខ្ញុំចង់ជំរុញទឹកចិត្តឲ្យយុវជនដែលសិក្សាជំនាញកាត់តនិងGraphic Design  ត្រូវខិតខំ ព្យាយាម សិក្សាស្វែងយល់ឲ្យបានច្រើនតាមរយៈបណ្ដាញផ្សព្វផ្សាយលើ Internet និងព្យាយាមអនុវត្តន៌ឲ្យបានច្រើន។

លោក កង ចាន់បញ្ញា ជានិពន្ឋនាយកនៃគេហទំព័រ KQUBEបានធ្វើបទបង្ហាញដល់និងសិស្សនិស្សិតទាំងអស់ពី ចំនុចសំខាន់ៗជាច្រើនអំពីគេហទំព័រវេបផ្សាយ និងគន្លឹះ នៃការស្វែងរកព័ត៌មាននិងកាផ្សាយទៅកាន់អ្នកអានដើម្បីឲ្យគេហទំព័រសារព័ត៌មានមានប្រជាប្រិយ និង​ ទទួលបានការគាំទ្រពីអ្នកអានជាដើម។