ឯកឧត្តម កែន សត្ថា ប្រគល់សញ្ញាប័ត្រដល់សិស្ស

កែបៈ នាព្រឹកថ្ងៃទី២៧ សីហា ឆ្នាំ២០១៥ សាលាបច្ចេកទេសដុនបូស្កូកែបបានប្រារព្ធពិធីចែកសញ្ញាប័ត្របញ្ចប់ការសិក្សាដល់សិស្សនិស្សិតដែលបានបញ្ចប់ក្នុងឆ្នាំសិក្សា ២០១៣- ២០១៥ ចំនួន១១៣នាក់។ ដែលមានការចូលរួមពីឯកឧត្តម កែន សត្ថា គណៈអភិបាលខេត្តកែបព្រមទាំងលោកគ្រូអ្នកគ្រូ និងលោក ឪពុក សាលា​បច្ចេកទេស ដុនបូស្កូកែប។  ដែលមានការចូលរួមពីសិស្សានុសិស្ស​ ទាំងអស់ជាង ៣០០នាក់។

លោកនាយកពៅតុលា មានប្រសាសន៌ថា នេះជាលើកទី៣ ហើយដែលសាលាបច្ចេកទេស ដុនបូស្កូកែប ទទួលបានជោគជ័យដែលគួរឲ្យកោតសរសើរ។ ឯកឧត្តម កែន សត្ថា មានមតិសំណេះសំណាលទៅកាន់សិស្សនិស្សិត ថា យើងមាន សាលា​ដែលមានវិន័យល្អ មានការអប់រំប្រកបដោយគុណភាព ដូច្នេះ សិស្សទាំងអស់គួរខិតខំសិក្សា ព្រយាមរៀនសូត្រ ក្រេបយកចំណេះវិជ្ជា និងយកទៅប្រកបរបរដោយសុច្ចរិត ដើម្បីចូលរួមអភិវឌ្ឍន៌សង្គម។ ហើយពេលបញ្ចប់កម្មវិធីមានការថតរូបជុំគា្នជា អនុស្សារីយ៌ផងដែរ។