សាលាដុនបូស្កូកែប អបអរឆ្នាំសកល២០១៦

ដុនបូស្កូកែប:  ការឆ្លងឆ្នាំសកលវាមិនមែនជាប្រពៃណីខ្មែរនោះទេ ប៉ុន្ដែដើម្បីភាពសប្បាយរីករាយទាំងអស់គ្នាជាមួួយជាតិសាស្ដ្រដ៏ទៃទៀតនោះខ្មែរយើងក៏អាចធ្វើបានដែរ ដើម្បីឲ្យជនបរទេសដែលចូលមកស្នាក់នៅ និងអ្នកទេសចរណ៌នៅកម្ពុជាបានរីករាយក្នុងឆ្នាំសកលផងនោះ។

ជាក់ស្ដែង នៅយប់ថ្ងៃទី31 ខែធ្នូ  ឆ្នាំ២០១៥ ​ សាលាបច្ចេកទេសដុនបូស្កូកែប  បានធ្វើពិធីឆ្លងឆ្នាំសកល២០១៥ឈានចូលឆ្នាំ​ ២០១៦ ដែលស្ថិតនៅក្នុងបរិវេណសាលាបច្ចេកទេស ដុនបូស្កូ ខេត្តកែបនេះតែម្ដង ដែលមានទីតាំងនៅ​ក្នុងភូមិថ្មី សង្កាត់ព្រៃធំ ក្រុងកែប ខេត្តកែប។ ក្រោមការរៀបចំពីលោកគ្រូ អ្នកគ្រូ សិស្សានុសិស្ស​ និងគណៈគ្រប់គ្រងសាលាទាំងអស់ ហើយមានការប្រគុំតន្ដ្រី ការសម្ដែងរឿង កំប្លែងខ្លីៗពី លោកគ្រូអ្នកគ្រូ និងសិស្សានុសិស្ស ការចាប់ឆ្នោតផ្សងសំណាង និងបាញ់កាំជ្រួចជាច្រើនគ្រាប់ ដើម្បីអបអរអំឡុងពេលរាប់ថយក្រោយ(Countdown) ពេលដល់ម៉ោងឈានចូលឆ្នាំ ២០១៦។ ហើយសាសាបច្ចេកទេស​ ដុន បូស្កូ ខេត្ត​កែប នឹងរៀបចំធ្វើពិធីឆ្លង ឆ្នាំនេះជាបន្ដទៀត​ នៅឆ្នាំខាងមុខឲ្យកាន់តែមានភាពអធឹកអធមថែមទៀត។

Read More

ការប្រកួតខ្លែងនៅក្នុងទឹកដី ក្រុងកែប

ខេត្តកែបៈ នៅព្រឹកថ្ងៃទី៣១ ធ្នូ ២០១៥ មានការប្រកួតបង្ហោះខ្លែងមួយនៅមុខសាលាខេត្តកែប ដែលមានការចូលរួមគាំទ្រពីមន្ដ្រីគ្រប់ជាន់ថ្នាក់ និងប្រជាពលរដ្ឋសិស្សានុសិស្សនៅខេត្តនេះតែម្ដង។ ហើយមានការប្រកួតខ្លែងជាច្រើនប្រភេទដោយមានការចូលរួមគ្រប់ស្ថាប័ន សាលារៀន មន្ទីអប់រំ និងប្រជាពលរដ្ឋផ្ទាល់ដែលចូលចិត្តលេងខ្លែងនារដូវហេមន្ដរដូវ  ក៏បានធ្វើខ្លែងមកចូលរួមបង្ហោះក្នុងពិធីនោះយ៉ាងច្រើនផងដែរ។

ដើម្បីចូលរួមថែរក្សាមរតកវប្បធម៌ខ្មែរ បង្កើតភាពសប្បាយរីរាយ និងអបអរសាទរទីក្រុងស្អាត លើកកម្ពស់វិស័យទេសចរណ៌ ជាតិ និងអន្ដរជាតិដើម្បីឲ្យមកចូលទស្សនាក្នុងទឹកដីកែប។  ហើយអី្វដែលគួរឲ្យចាប់អារម្មណ៌ជាងគេនោះ គេឃើញមានខ្លែង ឯកជាច្រើន ដែលមានប្រវត្តិដ៏យូរលង់ណាស់មក ហើយ។ ខ្លែងប្រភេទនេះវាមានឯកនៅពីលើក្បាល ហើយវាបានបណ្លឺសម្លេងយ៉ាងពីរោះពីលើអាកាសធ្វើឲ្យអ្នកទស្សនាទាំងអស់គយគន់វាឥតឈប់។ សាលា ខេត្តកែបនឹងធ្វើពិធីបង្ហោះខ្លែងនេះជារៀងរាល់ឆ្នាំ ហើយពីមួយឆ្នាំទៅមួយឆ្នាំកាន់តែមានអ្នកមកចូលរួមប្រ កួតកាន់តែច្រើន ស្ដែងឲ្យឃើញថា យុវជននិងមនុស្សគ្រប់វ័យទាំងអស់ចូលចិត្ដនិងស្រលាញ់ការបង្ហោះខ្លែង នេះ។

Read More

សាលាដុន​បូស្កូកែប ប្រារព្ធបុណ្យណូអែល ២០១៥

នៅថ្ងៃទី២៤ ខែធ្នូ ២០១៥ សាលាបច្ចេកទេស ដុនបូស្កូ កែប បានប្រារព្ធពិធីបុណ្យណូអែល ដែលជាថ្ងៃដែលព្រះយេស៊ូ ទ្រង់បានប្រសូត្រ។ ដើម្បីបង្កើតភាពសប្បាយរីករាយដល់សិស្សានុសិស្ស​ លោកគ្រូ អ្នកគ្រូ និងក្រុមគ្រួសារ សាឡេស៊ានទាំងអស់។ បុណ្យណូអែលនេះបានរៀបចំនិងដឹកនាំដោយលោកឪពុក លី សំណាង និងគណៈគ្រប់គ្រងសាលាទាំងអស់។ នៅម៉ោង១១:00ព្រឹក សាលាប្រារព្ធពិធីអភិបូជាដោយដឹកនាំដោយ លោក ឪពុក លី សំណាង ជាអធិការសាលា។ ចាប់ពីម៉ោង ៥:០០ ល្ងាច រហូតដល់ ម៉ោង ១២:00 យប់ សាលាមានការចាប់ឆ្នោតផ្សងសំណាង ការច្រៀងកំសាន្ដ សម្ដែង រឿងខ្លី ការលេង​ហ្គេម ល្បែងកំសាន្ដ ការបង្ហាញក្បាច់រាំពីសិស្សានុសិស្ស។

Read More

Mr. Sergio gaviria ជូនលិខិតបញ្ជាក់ការសិក្សាវគ្គខ្លីដល់សិស្សដុនបូស្កូ

លោក​ Sergio gaviria ជាអ្នកកាសែតរបស់ទូរទស្សន៌មួយនៅប្រទេសកូឡុំប៊ីបបានប្រគល់លិខិតបញ្ចប់ការសិស្សាដល់សិស្សផ្នែកទំនាក់ទំនងសង្គម និងសារព័ត៍មាននៃសាលាបច្ចេកទេស ដុនបូស្កូ ខេត្តកែប។ លិខិតបញ្ជាក់នេះជូនដល់សិស្សដែលបញ្ចប់វគ្គសិស្សាអំពី Pod-casting ចំនួន២០នាក់ ដែលស្ថិតនៅសាលាបច្ចេកទេស ដុនបូស្កូកែបតែម្ដង។ ដោយមានការចូលរួមពីលោក​ ឪពុក លី សំណាង លោកគ្រូអ្នកគ្រូ​ និងសិស្សានុសិស្ស ផ្នែកទំនាក់ទំនងសង្គមទាំងអស់។ លោក Sergio gaviria ក៏បានបញ្ជាក់ផងដែរថា​ គាត់ពិតជារីករាយណាស់ ពីព្រោះ អ្វីដែលគាត់បា​នបង្រៀន គឺសិស្សទាំងអស់សឆាប់ទទួលបាន ហើយយល់ពីអ្វីដែលគាត់បានផ្ដល់ឲ្យ។ លិខិតនេះផ្ដល់ជូនសំរាប់លើកទឹកចិត្ត និងកំលាំងចិត្តដល់សិស្សឲ្យខិតខំសិក្សាបន្ថែមទៀត។

Read More

កែប សំអាតកែបឆ្នាំ២០១៥

នៅព្រឹកថ្ងៃទី១៩​ ធ្នូ ២០២៥ គណៈអភិបាលខេត្តកែប បានប្រារព្ធពិធីកែបសំអាតកែបជាលើកទី៣ នៅបរិវេន មុខរូបសំណាក់ស្ដេចកន ជិតផ្សារក្ដាម។ ដោយមានការចូលរួមពីឯកឧត្តម កែន សត្ថា ជាអភិបាល ខេត្តកែប និង បវរកញ្ញា ប្រទេសជប៉ុនចំនូន៣រូប ព្រមទាំងសិស្សានុសិស្ស និងប្រជាពលរដ្ឋខេត្តកែបជាច្រើន។ ពិធីនេះក៏មានការសម្ដែងនិងមតិយោបល់ពីបវរកញ្ញពីប្រទេសជប៉ុនផងដែរ។

កែប សំអាតកែបនេះ ធ្វើឡើងដើម្បីសំអាតទីក្រុងកែប និង សំរាមដែលចោលនៅមាត់សមុទ្រ ដែលអាច បង្ករឲ្យមានភាពកង្វក់ដល់បរិស្ថាន អាកាសធាតុ ខ្សាច់នៅតាមមាត់ឆ្នេរ និងក្នុងសមុទ្រ។ ពិធីនេះចាប់ផ្ដើមពីម៉ោង ៧:០០ព្រឹក ដល់ម៉ោង ១១:០០ ព្រឹក។ ដោយចាប់ពីផ្សារក្ដាម ទៅត្បូង​តាមមាត់ទឹក រហូតដល់ឆ្នេរស្រីស និងមួយទៀតចាប់ពីផ្សាក្ដាមដដែល ទៅកើតតាមរង្វង់មូលដៃដប់តាមផ្លូវជាតិលេខ៣៣ ទៅដល់ឆ្នេរស្រីសដូចគ្នារួចបន្ដទៅដល់សាលាខេត្តកែបដើម្បីធ្វើមតិសំណេះសំណាលពីពី ឯកឧត្តម កែន សត្ថា និង ភ្ញៀវកិត្ដិយស ពីប្រទេសជប៉ុនដើម្បីបិទកម្មវិធី។

Read More