នាយករដ្ឋមន្ត្រីកាណាដាបំពេញទស្សនកិច្ចជាផ្លូវការនៅប្រទេសឥណ្ឌា

នាយករដ្ឋមន្ត្រី​កាណា​ដា លោក​ចាស្ទីន.ទ្រូដូ​ ​ត្រូវ​បាន​ទទួលស្វាគមន៍​យ៉ាង​កក់​ក្ដៅបំផុត​ពី​សំណាក់​នាយករដ្ឋមន្ត្រី​ឥណ្ឌា​នៅ​ក្នុង​ឱកាស​ដែល​លោក​បំពេញ​ទស្សនកិច្ច​ជាផ្លូវ​ការ​រយៈ​ពេល​៨​ថ្ងៃ​នៅ​ទីនោះ​​។ តាមគម្រោង ​ថ្នាក់ដឹកនាំ​ទាំង​២​នឹង​ពិភាក្សា​លើ​បញ្ហា​​សំខាន់ៗ​​​ និង​​​ធ្វើ​ជា​សាក្សី​នៃ​ពិធី​ចុះ​ហត្ថលេខា​លើ​អនុស្សារណៈ​យោគ​យល់​គ្នា​មួយ​ចំនួន​​ផង​ដែរ​។​

លោក​ទ្រូដូ​​អញ្ជើញ​ទៅ​ប្រទេស​ឥណ្ឌា​លើក​នេះ​រួម​ជាមួយ​ក្រុម​គ្រួសារ​ និង​​បាន​ដើរ​ត្រួត​ពល​​នៅ​​ទីលាន​ប្រធានាធិបតី​ដែល​បន្សល់​ទុក​តាំង​ពី​សម័យ​អាណានិគម​អង់គ្លេស​។ ​​លោក​ចង់​ពង្រីក​ទំនាក់ទំនង​ទ្វេភាគី​រវាង​ឥណ្ឌា និង​កាណាដា​​ឲ្យ​កាន់​តែ​ស៊ី​ជម្រៅ​បន្ថែម​ទៀត​។ លោក​ទ្រូដូ​ក៏​បាន​អញ្ជើញ​ទៅ​គោរព​វិញ្ញាណក្ខន្ធ​មហា​បុរស​របស់​ឥណ្ឌា លោក​មហាត្មះ​គន្ធី​​​ ដែល​បាន​ធ្វើ​ពលិកម្ម​​​ដើម្បី​សេរីភាព​។​​ ​ថ្នាក់ដឹកនាំ​​ទាំង​២​​​នឹង​​ពិភាក្សា​​​អំពី​​វិស័យ​ការពារ​ជាតិ​ និង​សេដ្ឋកិច្ច​​​ជាតិ​​​នា​ពេល​បន្តិច​ទៀត​នេះ​​៕​
ប្រភព ៖ https://www.youtube.com/watch?v=mmDmGeu-OdA