កែប ប្រារព្ធពិធីបុណ្យឯករាជ្យជាតិ

កែបៈ   នាព្រឹកថ្ងៃទី០៩ វិច្ឆកា ឆ្នាំ២០១៥ នេះខេត្តកែបបានប្រារព្ធពិធីបុណ្យឯករាជ្យជាតិដោយមាន ការចូលរួមពី ឯកឧត្តម កែន សត្ថា គណអភិបាលខេត្តកែប ព្រះសង្ស សិស្សានុសិស្ស និងប្រជាពលរដ្ឋខេត្តជាច្រើន។

ដើម្បីរំលឹកខួបដល់បុព្វបុរសជាតិនិងអ្នកស្នេហាជាតិ ដែលបានខិតខំតស៊ូទាមទារឯករាជ្យពីអាណានិគមនិយមបារាំង។ ពិធីបុណ្យឯករាជ្យជាតិនេះជាគំរប់ខួបលើទី៦២ចាប់ តាំងពីកម្ពុជាទទួលបានឯករាជ្យពីបារាំងវិញ។  ពិធីបុណ្យ ឯករាជ្យជាតិនេះប្រារព្ធឡើងដើម្បីដាស់តឿន រំលឹកដល់យុវជនកម្ពុជាដើម្បីឲ្យស្នេហាជាតិ និង កោតសរសើរដល់ព្រះមហាក្សត្រខ្មែរ​ព្រះបាទនរោត្ដមសីហនុជាព្រះបិតាឯករាជ្យជាតិខ្មែរ។